قسوة للشاعر خالد الفيصل

ليه إذا حبيت أكثر
زدت قسوة
وان دريت بحاجتي لك
زدت جفوة
وان عطيتك من حياتي ما تريده
وتحسب الحب نزوة


والله أنى يا أحب الناس احبك
والله إن الروح لو ترضيك فدوه
والله أنى ترك غيرك وجيتك
مزعل الزعلان والعذال عنوة

كل دقت قلب فيني لك قصيدة
تكفي الدنيا مع الأحباب غنوه
وكل هاجس ما يجيب إلا خيالك
سلوتي بالعمر في صحوة وغفوة
أجمع إحساسي وأشواقي وأجيلك
وألبس ثياب الهوى والعشق كسوة

والله أنى يا أحب الناس احبك
والله إن الروح لو ترضيك فدوه
والله أنى ترك غيرك وجيتك
مزعل الزعلان والعذال عنوة

انتقي لك من سواليفي حسنها
والقصايد من غزلها كل حلوة
وانثر العبرات والضحكات عندك
تأخذ اللي تلتقيلك فيه سلوى
وأذكر الله كل ما ناظرت حسنك
أشهد انك فوق عرش الزين ذروة

والله أنى يا أحب الناس احبك
والله إن الروح لو ترضيك فدوه
والله أنى ترك غيرك وجيتك
مزعل الزعلان والعذال عنوة